“Ottô dɨ́eŋ ta̱bʉ́ŋ ɨɨn síŋ:
Ká bá Loŋpii tog bɨ́r-sí ɨ́wél,
ǎl Báa a̱ppʉ̂-ii,
alá jaawil na sʉʉsʉ-sí tééré,
na ótáŋá nyét ǎl lóŋítía na alá á lóŋítíaba.
Na Loŋpii tog-sí see éél ǎl Ísa Jáásodʉŋo-ii,
Wʉ́o’ŋ Kwědee délliŋ,
na ǎl dééŋ Báaꞌŋ délliŋ-ii ǎl da̱ldɨŋa nyétꞌíŋ waar-ii,
na yé Wʉ́o-ii, Wʉ́o-lé, naŋ hěrra-ii hěrra-lé,
na yé Wʉ́o del-ii délliŋ,
ǎl kéŋa ná á keweba,
na ǎl kí Wʉ́o daalú tog gé,
Ísa Jáásodʉŋo ǎl kí dééŋ dorá ótáŋá nyét ɨŋɨ,
ǎl dáíŋ ʉʉ́ŋ na dáíŋ jopóꞌŋ ʉʉ́ŋ jaawíl bʉʉŋo.
Na Wʉ́oꞌŋ kwě namás kí Kʉo Teyyáŋaꞌŋ dorá ja̱ɨŋɨŋo ná Moo Selbé kiri,
namá dʉó eŋa.
namás ka̱ldá̱bʉ-lé ka̱ldʉl ná káíŋ ka̱tɨ́eŋaꞌŋ mííŋjeeŋ-sí rɨmo, a̱kʉ́roꞌŋ ta̱bʉ Pontas Pilat tin-lé.
Indálaŋ Ísa Jáásodʉŋo namá mííneŋ eŋa ná way namá kʉ́rtʉl.
Na sog ɨɨs-lé Ísa Jáásodʉŋo namás sállá eŋa,
In albá kééŋ Kʉréemeŋa ka̱gɨle ná rímmeŋ káwe kí Rima Teyyâꞌŋ dorá.
Namá jaawíl nyaŋá,
Ná dééŋ Báaꞌŋ súruꞌŋ ere kee ná ǎ̱w.
Na yé áláŋ kí kééŋ galaŋaŋ asi keer wá̱ɨ́ŋa nás kwa sálláŋa na waytólá-sí jandiꞌŋ kʉttɨꞌŋ ta̱bʉꞌŋ kélal nás beet.
Na dééŋ kʉrɨŋ jágíŋi ás keba!
Na ká bá kwa nyétꞌíŋ Sɨɨt tog bɨ́r-sí see éél,
Kʉo Lʉʉtꞌíŋ Wʉ́o ǎl jaiŋꞌíŋ janídʉŋo-ii,
Illa asá Báa na Kwě-le tuŋel,
Kí illa dorá tog ǎl kwa Báa na Kwě-sí ba̱gɨ kawe, naŋ-si dog Wʉ́o Kʉodʉŋo-sí kʉ̌meli na kééŋ kona írí ka̱gɨ́tɨ́a.
Asá kʉldɨŋa-sí kí Kééŋ Ya̱ʉ́doꞌŋ Domoŋakwǎ na Kʉréemeŋa risiŋo.
Na ká bá da̱dɨŋꞌíŋ Kʉréemeŋaꞌŋ Ma̱sɨ̂g tog Teyyâ-sí see éél illa alá Ísa jááŋó nás já̱gɨ.
[Na ká Murula Toya na Kɨwwólaꞌŋ kʉrro suŋŋâ-lé gîs ɨbɨ́tɨ ásáŋ Seejǎ̱ɨkwǎꞌŋ Daara na Jáásodʉŋoꞌŋ ka̱rɨjʉ́lokwǎ nyét-sí ta̱bʉ́ŋ poí.]
Na ká jaaba tog-lé gîs ɨbɨ́tɨ alá ka̱tɨ́eŋaꞌŋ jáásoꞌŋ ósom-ii na asá jaiŋ dɨwwô dɨó kee.
Na ká waytóláꞌŋ sállájeeŋꞌíŋ soog-sí ta̱bʉ́ŋ eré a̱llʉ,
na da̱ldɨŋ dɨwwôꞌŋ jaiŋ illa alá ʉ́ndʉl, abá Jáásodʉŋo ótáŋá nyét-sí tɨ̌o. Eeyáa.
